الجنة ستاهل

انا معقول بعد الذنوب دي كلها ربنا هيغفر لي!!! 😞
انا تقريبا مفيش حاجة غلط معملتهاش
 مفيش حاجة كنت عارف انها حرام ووقفت عنها دايما كنت بحب اجرب كل حاجة كنت بقول ما انا كلي ذنوب ...😒
 مجتش علي دي يعني ..بس خلاص دلوقتي انا نفسي اتوب يا تري ممكن ربنا يقبل توبتي رغم كل اللي عملته ..☺
كتير منا ممكن يحس الإحساس ده والشيطان يقنعهإن خلاص مفيش أمل .. 😉

ما انت كده كده داخل النار .. بس لا اوعي تستسلم .. اوعي تسمح لنفسك انك تيأس من رحمة ربنا ..افتكر إن دايما ذنوبك مهما كانت كبيرة رحمة ربنا اكبر منها ..افتكر إن ربك اللي خلقك عالم بضعفك وعالم برده سبحانه انك بتغلط وبعدها بترجع وتندم ..

علشان كده اوعي في يوم من الأيام تحس إن مفيش أمل مهما غلطت أجري علي سجادتك وأبكي وادعي ربك وقوله سامحني .👐

خد قرار انك مش هتعمل الغلط ده تاني وقاوم وجاهد اتعب شوية مش مشكلة 😃

غير حياتك

كلنا عارفين قدر ومنزله الصدقه عند رب العباد وان ربنا سبحانه وتعالي عامل ليها باب خاص لدخول الجنه باب الصدقه الي هو باب المتصدقين واصحاب الزكاه بس كلنا مبنقدرش نتصدق او نتزكي فبنقول لا يكلف الله نفسا الا وسعها معظما ميعرفش الا من رحم ربي ان الصدقه تجلب الخير وان لما الانسان يتصدق ولو بالقليل ربنا سبحانه وتعالي هيكرمه اضعاف الي طلعه 💪ثقه في الله

فهنزلكم كم طريقه ينفع من خلالهم تتصدق بااقل القليل وتقريبا هتتصد ق شهريا ده ان مكنش ان شاء الله اسبوعيا 💪👍

اول حاجه معظمنا بيجيب فاكهه كتير وممكن يفضل اهل البيت ياكلوا منها كل يوم جزء لحد ما الباقي يبوظ ويرموه في pasket (الزباله) طب اما احنا ممكن ننقي منه النضيف ونغسله كويس اي كان كميته ان شالله حاجه صغيره وبعدين نجيب كيس نضيف ونحطه فيها ونديها للناس المسنه الي نايمين في الشارع او اخواتنا عمال النضافه انا بعمل كده وامي دايما تقولي لمي النعمه عشان ربنا يديمها علينا وفي صور في البوست للفكره دي

ثاني فكره ممكن كل يوم تزود اهل بيتك فرد وتعزمه علي الغدا 😀 هقولك ازاي هتروح عند محل بتاع اعياد الميلاد الي بيبع الاطباق الفل والرول استرتش هتشتري 1000طبق فل ذات الثلاث فتحات صورته في البوست هو كمان بي 20ج اه والله زمبؤلكم كده وكل غده بتحضريه زودي فيه حبه سيكا بمعني لو بتعملي خمس كوبيات رز خليهم سته وانتي بتحضري لي البيت اكل حطي في الطبق بشكل جميل ومنسق وخلي جد ينزل يديها بردوا لناس الغلابه في الشارع ومعاها ازازه ميه من بيتك وعلبه عصير بي3ج او تاني يوم بيفيض مننا اكل وساعات بيترمي اعمليهم زي مايطلعوا كم طبق وانزلي وزعيهم وكلنا بنشتري واحنا في الشارع ازايز ميه معدنيه بعد مابتخلص بنرميها لا حطيها في شنطتك او شيلها في ايديك لحد اما تروح امليها وحطيها في الفريزر تجمد ونزليها مع الوجبات وياحبذا لو اخدتي بنتك او ابنك وخلتيهم هما الي يديهم لي اخواتنا الغلابه وعلمتيهم فضل الصدقه هتلاقيهم اتعودوا لما يكبروا هيكو💗نوا كده لحد مايتزوجوا هيبقي كده وكل ده عداد حسنات في حياتك انتي ووالدهم وبعد مماتك حسنات جاريه اه ما سيدنا محمد اللهم صلي وسلم وبارك عليك يارسول الله قال اذا مات ابن ادم انقطع عمله الا من ثلاث صدقه جاريه او علم ينتفع به او ولد صالحا يدعو له 👍💗يعني  في كل الحالات خير والله

ان شاء الله اكملكم باقي الحاجات البسيطه الي من خلالها نقدر نساعد غيرنا 💗

فرح غيرك تفرح 💗

نصيحه لكل بنت

احنا بنضيع سنين شبابنا ( احلى سنين عمرنا ) عشان بس نحاول نرتبط بيكم ..
 يكفي انك تعرفي ان اى شاب عشان يتجوز بيحتاج ف رينــج الربع مليون جنيه كـحـــد أدني ( شبكه و شقه وعفش وفرح و .. و .. ) فى بلد رينج الرواتب فيه 1500جنيه ( بلاش تحسبيها عشان متتصدميش )
• العريس المصري هو الوحيد فى العالم اللى لازم يتجوز وهو مديون
 صدقيني والله احنا بنحط معايير تانية لكرامتنا خصوصا بعد الارتباط او الخطوبة ( الشاب بيبقي حاسس انه شايل مسئولية حد تانى غيره )
 ممكن تلاقيه يستحمل رزالة مديره ف الشغل .. وممكن يستحمل مشاكل الشغل وقرفه عشانك او عشان هو مطالب بحاجات مطلوب منه يجيبها فى معاد محدد .. لانه لو اتأخر ممكن متكونيش ليه
• بالمناسبة .. 99.99 % مننا مش مرتاحين ف شغلهم ويمكن يكونوا مش حابين الشغل ده اصلا بس مضطرين يكملوا
ومدام مش لاقي الراحه فى شغله .. خليه يلاقي الراحه ف بيته وتكوني انتي السبب فيها
 الشاب ممكن يشتغل سنه كاملة عشان يجيبلك كام جرام دهب تلبسيهم فى فرحك وعشان متبقيش اقل من بنت عمك او بنت الجيران
 وممكن تلاقيه اشتغل سنه كامله برده عشان يعملك فرح ف قاعة محترمه ويشتريلك فستان شيك مش هيتلبس غير مره وحده فى العمر
انا عارف ان هوده المفروض والمفروض ان الراجل هو اللى يشتغل ويتعب
وعارف ان بعد الجواز الدور بيبقي مشترك بينهم
بس تفتكري على قد ده كله الشاب ده يستاهل انك تكوني سبب فى تعبه او انك تنكدي عليه
 الراجل بطبعه ميحبش يشكي خصوصا لزوجته او خطيبته ( ميحبش يبان ليها انه مكسور ) فبيكتم فى نفسه وميتكلمش فممكن يبانلك ان الدنيا تمام معاه اوى وانتى اللى شايله كل الهموم
واحنا كــ ( شباب مقبل على الجواز ) ضحية مجتمع غبي وعادات وتقاليد منيله بـ 60 نيلة
بس بلاش تبقي انتي كمان عليه .. خللى راحته هى هدفك الاول
باختصار :-
 الراجل ميقدرش يستغني عن مراته او حبيبته لو حس انها سبب راحته وسعادته .. انما يقدر يستغني عنها لو كانت ملكة جمال الكون بس مش لاقي الراحه معاها ..!